Daim yeeb yaj kiab “video” no yog tsim los ntawm lub koomhaum Asian Pacific Institute on Gender-Based Violence rau cov neeg khiav dim kev raug ua phem rau, raug yuam/txhom deev, soj caum, thiab raug hluas nkauj/hluas nraug ua phem rau – thiab leejtwg uas xav tau ib tus neeg txhais lus – kom totaub thiab paub ua haujlwm nrog tus neeg txhais lus thaum nrhiav kev pab.

Feem ntau cov kws sawv cev txhawb pab, kws lijchoj, tub ceevxwm, tsev hais plaub, thiab kws kho mob/kuaj mob paub ua haujlwm nrog cov neeg txhais lus uake, tiamsis tejzaum cov neeg khiav dim kev raug ua phem rau uas tsis txawj hais lus askiv yuav tsis paub. Cov yeej yaj kiab “video” no yog txhais thiab kaw suab los ntawm cov neeg ua haujlwm txhais lus, los pab cob qhia koj ib kauj raum mus rau ib kauj raum kom koj muaj kev nyabxeeb, kev hwm, thiab kev totaub thaum kom thov kev pab.